Creación dunha Rede de Proxectos Sustentables da provincia da Coruña liderados ou nos que participen mulleres labregas, así como introducir os Criterios da “Alimentación Sostida pola Comunidade” ou CSA´s. A clave desta iniciativa é entender a alimentación sa e accesible para todas como un dereito e os alimentos como un ben común a xestionar entre todas e non como unha mercadoría. Dende esta perspectiva construímos formas de produción e de consumo que poñen como prioridade un acceso á alimentación que xere condicións sas e xustas para todas as persoas e, tamén, para os ecosistemas que habitan.
Isto implica romper coa lóxica individualista e desarrollista, recuperando outras formas de facer e de construír dende o local en clave de xustiza social e de xestión comunitaria.